jise kal raat bhar puujaa gayaa thaa — Faisal Azeem

yahi to e'tibaar-e-shab-kada hai
miraa haasil hai ye kaar-e-ziyaan ishq

abhi tak sirf aavaazein suni hain
abhi tak likh rahi hain ungliyaan ishq

jhaankte raat ke garebaan se
ham ne sau aaftaab dekhe hain

raushni ho rahi hai kuchh mahsus
kyaa shab aakhir tamaam ko pahunchi

shor din ko nahin sone detaa
shab ko sannaaTaa jagaa detaa hai

rok do ye raushni ki tez dhaar
meri miTTi mein gundhi hai raat bhi

tum aake lauT gae phir bhi ho yahin maujud
tumhaare jism ki khushbu mire makaan mein hai

raat yuun dil mein tiri khoi hui yaad aai
jaise viraane mein chupke se bahaar aa jaae