kab kahaa tu saath mere khud-kushi kar — Faiyaz Aswad

is ta'alluq ko tu raste ki rukaavaT na samajh
ab kisi aur kaa honaa hai to chal jaa ho jaa

husn kyaa hai nazar ki shokhi hai
ishq kyaa hai pata nahin kiyaa hai

kab se niklaa huaa hai kisi khoj mein
chaand apni jagah par nahin aa rahaa

vo samajh to lein ki yuun hai unhein is se kyaa ki kyuun hai
miri aaankhon ki ye surkhi mire honTon ki siyaahi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

maarka garm to ho lene do khun-rezi kaa
pahle shamshir ke niche hamin jaa baiTheinge

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

mar gae pyaas ke maare to uThaa abr-e-karam
bujh gai bazm to ab shama jalaataa kyaa hai