jaane main kaun thaa logon se bhari duniyaa mein — Faizi

zulm kartaa huun zulm sahtaa huun
main kabhi chain se rahaa hi nahin

paD gayaa hai khudaa se kaam mujhe
aur khudaa kaa koi pata hi nahin

main subh khvaab se jaagaa to ye khayaal aayaa
jo raat mere baraabar thaa kyaa huaa us kaa

sochtaa kyaa huun tire baare mein chalte chalte
tu zaraa puchhnaa ye baat Thahar kar mujh se

kise DhunDtaa huun main apne qurb-o-javaar mein
ai firaaq-e-sohbat-e-dostaan mujhe kyaa huaa

achchhaa hai tu ne in dinon dekhaa nahin mujhe
duniyaa ne tere kaam kaa chhoDaa nahin mujhe

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

tumhaari shab hai maatam-kunaan abhi mujh mein
tumhaaraa dard abhi tak siyah libaas mein hai

vaqt detaa hai jo pahchaan to ye dekhtaa hai
kis ne kis dard mein dil ki khushi rakkhi hui hai