us kaa andaaz ruuTh jaane kaa — Farhan Hanif Warsi

dilon ke mel se aage labon ke silsile saare
jo lab khaamosh hote hain to aankhein baat karti hain

tumhi ne raah mein ik ghar basaa liyaa varna
mohabbaton kaa safar to tavil thaa jaanaan

jis ki khaatir sabhi rishton se huaa thaa munkir
ab sunaa hai ki vahi shakhs khafaa hai mujh se

vo ek moD jahaan vo kabhi milaa thaa mujhe
us ek moD par us ko judaa bhi honaa thaa

aur kyaa deinge ham tujhe jaanaan
zindagi tere naam karte hain

parinde so gae jaa ke gharon mein
shajar jangal mein phir kyuun jaagtaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

itnaa jo ham se rahte ho begaana meri jaan
shaayad paDaa hai tum ko kisi aashnaa se kaam

jaan jaani hai miri ai but-e-kam-sin tujh par
mar hi jaaungaa galaa kaaT ke ik din tujh par