is liye kaaTtaa huun ye ghaDiyaan — Farooq Engineer

pichhlaa baras to khuun rulaa kar guzar gayaa
kyaa gul khilaaegaa ye nayaa saal dosto

baras rahi hai udaasi tamaam aangan mein
vo rat-jagon ki haveli baDe azaab mein hai

kuchh to mahfuz rakhiye siine mein
zindagaani khuli kitaab na ho

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

pyaaso raho na dasht mein baarish ke muntazir
maaro zamin pe paanv ki paani nikal paDe