baadbaan phaaD ke khush hon na havaaein itni — Fasih Rabbani

aisaa lagtaa hai ki bujhne ki ghaDi aa pahunchi
lau charaaghon ki bahut tez hui jaati hai

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa

jaane kyaa kah rahaa thaa vo mujh se
main ne bhi kah diyaa ki khush huun main

tum se Takraae to huaa maa'lum
haadse khushnumaa bhi hote hain