bichhaD rahaa thaa magar muD ke dekhtaa bhi rahaa — Fatima Hasan

raat dariche tak aa kar ruk jaati hai
band aankhon mein us kaa chehra rahtaa hai

sukun-e-dil ke liye ishq to bahaana thaa
vagarna thak ke kahin to Thahar hi jaanaa thaa

ulajh ke rah gae chehre miri nigaahon mein
kuchh itni tezi se badle the un ki baat ke rang

dikhaai detaa hai jo kuchh kahin vo khvaab na ho
jo sun rahi huun vo dhokaa na ho samaaat kaa

bhuul gai huun kis se meraa naata thaa
aur ye naata kaise TuuTaa bhuul gai

main ne maan kaa libaas jab pahnaa
mujh ko titli ne apne rang diye

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

an-kahi an-suni si kuchh baatein
suune din aur ye sunsaan raatein

raat us bazm mein tasvir ke maanind the ham
ham se puchhe to koi shama kaa jalnaa kyaa thaa

sunaa haal-e-dil-e-'majruh' shab ko
koi hasrat si hasrat thi bayaan mein