raat us bazm mein tasvir ke maanind the ham — Meer Ahmad Naved

zakhm-e-talaash mein hai nihaan marham-e-dalil
tu apnaa dil na haar mohabbat bahaal rakh

mumkin nahin hai shaayad donon kaa saath rahnaa
teri khabar jab aai apni khabar gai hai

charaagh-haa-e-takalluf bujhaa diye gae hain
uThaao jaam ki parde uThaa diye gae hain

khud se guzre to qayaamat se guzar jaaeinge ham
yaani har haal ki haalat se guzar jaaeinge ham

pesh-e-zamin rahun ki pas-e-aasmaan rahun
rahtaa huun apne saath main chaahe jahaan rahun

ai khalish bol kyaa yahi hai khudaa
ye jo dil mein khalaa saa rahtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

shab-e-hijr mein ek din dekhnaa
agar zindagi hai to mar jaaeinge