maanaa ki aashiyaanon ki taamir ho gai — Fatima Taj

is shahr-e-tamannaa mein kyaa chhaanv mile mujh ko
hai dhuup ke daaman mein taptaa huaa ghar meraa

kyaa aap zamaane ko ye samjhaa nahin sakte
ab TuuTe khilaune hamein bahlaa nahin sakte

maanaa ki viraasat mein mili khaana-badoshi
lekin ye zamin chhoD ke ham jaa nahin sakte

ahl-e-khirad ko ab bhi nahin hai koi khabar
ahl-e-junun bhi karte hain fikr-o-nazar ki baat

ye shahr hamaaraa hai sabhi log hain apne
ham log paraae kabhi kahlaa nahin sakte

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

taDap jaataa huun jab bijli chamakti dekh letaa huun
ki is se miltaa-jultaa saa kisi kaa muskuraanaa hai

khuun miraa kar ke lagaanaa na hinaa mere baad
dast rangin na hon angusht-numaa mere baad

chalun to maslahat ye kah ke paanv thaam leti hai
vahaan jaanaa bhi kyaa haasil jahaan se kuchh nahin hotaa