sahmaa sahmaa Daraa saa rahtaa hai — Gulzar

kitni lambi khaamoshi se guzraa huun
un se kitnaa kuchh kahne ki koshish ki

jis ki aankhon mein kaTi thiin sadiyaan
us ne sadiyon ki judaai di hai

ham ne aksar tumhaari raahon mein
ruk kar apnaa hi intizaar kiyaa

koi khaamosh zakhm lagti hai
zindagi ek nazm lagti hai

haath chhuTein bhi to rishte nahin chhoDaa karte
vaqt ki shaakh se lamhe nahin toDaa karte

aap ke baa'd har ghaDi ham ne
aap ke saath hi guzaari hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

maarka garm to ho lene do khun-rezi kaa
pahle shamshir ke niche hamin jaa baiTheinge