lutf-e-jafaa isi mein hai yaad-e-jafaa na aae phir — Hadi Machlishahri

uThne ko to uThaa huun mahfil se tiri lekin
ab dil ko ye dhaDkaa hai jaaun to kidhar jaaun

ab vo piiri mein kahaan ahd-e-javaani ki umang
rang maujon kaa badal jaaataa hai saahil ke qarib

gham-e-dil ab kisi ke bas kaa nahin
kyaa davaa kyaa duaa kare koi

ghazab hai ye ehsaas vaarastagi kaa
ki tujh se bhi khud ko bari chaahtaa huun

tum aziiz aur tumhaaraa gham bhi aziiz
kis se kis kaa gilaa kare koi

miraa vajud haqiqat miraa adam dhokaa
fanaa ki shakl mein sar-chashma-e-baqaa huun main

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

mere khvaabon ke jharokon ko sajaate rahiye
na sahi vasl magar yaad to aate rahiye

yaad aai hai to phir TuuT ke yaad aai hai
koi guzri hui manzil koi bhuli hui dost

koi viraani si viraani hai
dasht ko dekh ke ghar yaad aayaa

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

uThaa sakte nahin jab chuum kar hi chhoDnaa achchhaa
mohabbat kaa ye patthar is dafa bhaari ziyaada hai