koi chaaraa nahin duaa ke sivaa — Hafeez Jalandhari

ai miri jaan apne ji ke sivaa
kaun teraa hai kaun meraa hai

'hafiz' apni boli mohabbat ki boli
na urdu na hindi na hindostaani

iraade baandhtaa huun sochtaa huun toD detaa huun
kahin aisaa na ho jaae kahin aisaa na ho jaae

doston ko bhi mile dard ki daulat yaa rab
meraa apnaa hi bhalaa ho mujhe manzur nahin

vafaa jis se ki bevafaa ho gayaa
jise but banaayaa khudaa ho gayaa

dekhaa jo khaa ke tiir kamin-gaah ki taraf
apne hi doston se mulaaqaat ho gai

main ne manzil ki duaa maangi thi
meri raftaar baDhaa di gai hai

bosa bhi mujhe denaa honTon mein bhi kuchh kahnaa
jiine ki davaa denaa marne ki duaa karnaa

meri allaah se bas itni duaa hai 'raashid'
main jo urdu mein vasiyat likhun beTaa paDh le

ham khudaa the gar na hotaa dil mein koi muddaaa
aarzuon ne hamaari ham ko banda kar diyaa

khudaa se use maang kar dekhte hain
phir apni duaa kaa asar dekhte hain

bataa nasib-e-nasheman main kyaa duaa maangun
jo aasmaan ki taraf raushni nazar aae