basti ke hassaas dilon ko chubhtaa hai — Hanif Tarin

paani ne jise dhuup ki miTTi se banaayaa
vo daaera-e-rabt bigaDne ke liye thaa

rishte naate TuuTe phuTe lage hain
jab bhi apnaa saaya saath nahin hotaa

ret par jalte hue dekh saraabon ke charaagh
apne bikhraav mein vo aur sanvar jaataa hai

mahfil mein phuul khushiyon ke jo baanTtaa rahaa
tanhaai mein milaa to bahut hi udaas thaa

har zakhm-e-kohnaa vaqt ke marham ne bhar diyaa
vo dard bhi miTaa jo khushi ki asaas thaa

jin kaa yaqin raah-e-sukun ki asaas hai
vo bhi gumaan-e-dasht mein mujh ko phanse lage

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai