mahfil mein phuul khushiyon ke jo baanTtaa rahaa — Hanif Tarin

paani ne jise dhuup ki miTTi se banaayaa
vo daaera-e-rabt bigaDne ke liye thaa

rishte naate TuuTe phuTe lage hain
jab bhi apnaa saaya saath nahin hotaa

basti ke hassaas dilon ko chubhtaa hai
sannaaTaa jab saari raat nahin hotaa

ret par jalte hue dekh saraabon ke charaagh
apne bikhraav mein vo aur sanvar jaataa hai

har zakhm-e-kohnaa vaqt ke marham ne bhar diyaa
vo dard bhi miTaa jo khushi ki asaas thaa

jin kaa yaqin raah-e-sukun ki asaas hai
vo bhi gumaan-e-dasht mein mujh ko phanse lage

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

gham hai na ab khushi hai na ummid hai na yaas
sab se najaat paae zamaane guzar gae

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin

ham haal to kah sakte hain apnaa pa kahein kyaa
jab vo idhar aate hain to tanhaa nahin aate