yahi hotaa hai ki tadbir ko naakaam kare — Hari Chand Akhtar

ab aap aa gae hain to aataa nahin hai yaad
varna hamein kuchh aap se kahnaa zarur thaa

jo Thokar hi nahin khaate vo sab kuchh hain magar vaaiz
vo jin ko dast-e-rahmat khud sambhaale aur hote hain

shabaab aayaa kisi but par fidaa hone kaa vaqt aayaa
miri duniyaa mein bande ke khudaa hone kaa vaqt aayaa

jinhein haasil hai teraa qurb khush-qismat sahi lekin
teri hasrat liye mar jaane vaale aur hote hain

milegi shaikh ko jannat, hamein dozakh ataa hogaa
bas itni baat hai jis baat par mahshar bapaa hogaa

hamein bhi aa paDaa hai doston se kaam kuchh yaani
hamaare doston ke bevafaa hone kaa vaqt aayaa

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

aasmaan jhaank rahaa hai 'khaalid'
chaand kamre mein mire utraa hai

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein