tishna-kaamon ko yahaan kaun subu detaa hai — Hasan Abidi

dil ki dahliz pe jab shaam kaa saaya utraa
ufuq-e-dard se siine mein ujaalaa utraa

kuchh na kuchh to hotaa hai ik tire na hone se
varna aisi baaton par kaun haath maltaa hai

ashkon mein piro ke us ki yaadein
paani pe kitaab likh rahaa huun

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

shahr-e-naa-pursaan mein kuchh apnaa pata miltaa nahin
baam-o-dar raushan hain lekin raasta miltaa nahin

duniyaa kahaan thi paas-e-viraasat ke zimn mein
ik diin thaa so us pe luTaae hue to hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

mohabbat phuul banne par lagi thi
palaT kar phir kali kar li hai main ne

sote mein vo jo mujh se ham-aaghosh ho gae
jitne gile the khvaab-e-faraamosh ho gae

dil ko apne kyaa kisi kaa ghar kahun
aaj khalvat-khaana kal baazaar hai