jo haadisa ki mere liye dardnaak thaa — Hosh Jaunpuri

aane vaale daur mein jo paaegaa paighambari
meraa chehra meraa dil meri zabaan le jaaegaa

mere hi paanv mire sab se baDe dushman hain
jab bhi uThte hain usi dar ki taraf jaate hain

khudaa badal na sakaa aadmi ko aaj bhi 'hosh'
aur ab tak aadmi ne saikDon khudaa badle

miTTi mein kitne phuul paDe sukhte rahe
rangin pattharon se bahaltaa rahaa huun main

divaar un ke ghar ki miri dhuup le gai
ye baat bhulne mein zamaana lagaa mujhe

jaane kis kis kaa galaa kaTtaa pas-e-parda-e-ishq
khul gae meri shahaadat mein sitamgar kitne

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dard tu jo kare hai ji kaa ziyaan
faaeda us ziyaan mein kuchh hai

aayaa hai mire dil kaa ghubaar aansuon ke saath
lo ab to hui maalik-e-khushki-o-tari aankh

na ponchho mere aansu tum na ponchho
kahegaa koi tum ko khosha-chin hai