logo! ham pardesi ho kar jaane kyaa kyaa kho baiThe — Humaira Rahman

ham aur tum jo badal gae to itni hairat kyaa
aks badalte rahte hain aainon ki khaatir

vo lamha jab mire bachche ne maan pukaaraa mujhe
main ek shaakh se kitnaa ghanaa darakht hui

raushan-daan se dhuup kaa TukDaa aa kar mere paas giraa
aur phir suraj ne koshish ki mujh se aankh milaane ki

kankar pheink rahe hain ye andaaza karne ko
Thahraa paani kitni 'humairaa' halchal rakhtaa hai

ajab mazaaq us kaa thaa ki sar se paanv tak mujhe
vafaaon se bhigo diyaa nadaamaton ki soch mein

miri almaariyon mein qimti saamaan kaafi thaa
magar achchhaa lagaa us se kai farmaaishein karnaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

duniyaa gharib jaan ke hansti thi 'mir' par
'iqbaal' mujh pe aise ye duniyaa hansi ki bas