koi baadal mere tapte jism par barsaa nahin — Iftikhar Naseem

us ke chehre ki chamak ke saamne saada lagaa
aasmaan pe chaand puuraa thaa magar aadhaa lagaa

agarche phuul ye apne liye kharide hain
koi jo puchhe to kah dungaa us ne bheje hain

is qadar bhi to na jazbaat pe qaabu rakkho
thak gae ho to mire kaandhe pe baazu rakkho

hazaar talkh hon yaadein magar vo jab bhi mile
zabaan pe achchhe dinon kaa hi zaaiqa rakhnaa

kaTi hai umr kisi aabdoz kashti mein
safar tamaam huaa aur kuchh nahin dekhaa

mujh se nafrat hai agar us ko to izhaar kare
kab main kahtaa huun mujhe pyaar hi kartaa jaae

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

raat bhar un kaa tasavvur dil ko taDpaataa rahaa
ek naqsha saamne aataa rahaa jaataa rahaa

mujh ko mazaa hai chheD kaa dil maantaa nahin
gaali sune baghair sitam-gar kahe baghair

tumhaaraa dil mire dil ke baraabar ho nahin saktaa
vo shisha ho nahin saktaa ye patthar ho nahin saktaa

ham dil se rahe tez havaaon ke mukhaalif
jab tham gayaa tufaan to qadam ghar se nikaalaa