jis mein na koi rang na aahang na khushbu — Iqbal Azeem

ab ham bhi sochte hain ki baazaar garm hai
apnaa zamir bech ke duniyaa kharid lein

ai ahl-e-vafaa daad-e-jafaa kyuun nahin dete
soe hue zakhmon ko jagaa kyuun nahin dete

junun ko hosh kahaan ehtimaam-e-ghaarat kaa
fasaad jo bhi jahaan mein huaa khirad se huaa

manzil to khush-nasibon mein taqsim ho chuki
kuchh khush-khayaal log abhi tak safar mein hain

jab ghar ki aag bujhi to kuchh saamaan bachaa thaa jalne se
so vo bhi un ke haath lagaa jo aag bujhaane aae the

guftugu nazr-e-ehtiyaat hui
qabl is ke ki ibtidaa karte

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

kaTaa thaa roz-e-musibat khudaa khudaa kar ke
ye raat aai ki sar pe mire azaab aayaa

furqat ki raat vasl ki shab kaa maza milaa
pahron khayaal-e-yaar se baatein kiyaa kiye

har-dam ye duaa maangte rahte hain khudaa se
allaah bachaae shab-e-furqat ki balaa se