ai ahl-e-vafaa daad-e-jafaa kyuun nahin dete — Iqbal Azeem

ab ham bhi sochte hain ki baazaar garm hai
apnaa zamir bech ke duniyaa kharid lein

junun ko hosh kahaan ehtimaam-e-ghaarat kaa
fasaad jo bhi jahaan mein huaa khirad se huaa

manzil to khush-nasibon mein taqsim ho chuki
kuchh khush-khayaal log abhi tak safar mein hain

jab ghar ki aag bujhi to kuchh saamaan bachaa thaa jalne se
so vo bhi un ke haath lagaa jo aag bujhaane aae the

baarhaa un se na milne ki qasam khaataa huun main
aur phir ye baat qasdan bhuul bhi jaataa huun main

guftugu nazr-e-ehtiyaat hui
qabl is ke ki ibtidaa karte

dil TuuTaa to 'mit' samajh mein ye aayaa
ishq vafaa sab ek paheli nikli hai

ummid-e-vafaa ke pesh-e-nazar main un ki jafaaein bhuul gayaa
hai mustaqbil par aankh miri maazi ko bhulaataa jaataa huun

tum na tauba karo jafaaon se
ham vafaaon se tauba karte hain

tufaan aae shahr mein yaa koi zalzala
mujh ko kisi bhi baat kaa ab Dar nahin rahaa

tire kuche ki miTTi baa-vafaa hai
mire pairon se lipTi jaa rahi hai

ham ro ro ashk bahaate hain vo tufaan baiThe uThaate hain
yuun hans hans kar farmaate hain kyuun mard kaa naam Dubotaa hai