izhaar ki ye bhi surat thi — Iqbal Khawar

bahut hairat-zada hai aaina bhi
ki chehre par koi chehra nahin hai

niind mat DhunD meri aankhon mein
silvaTein dekh mere bistar par

us ko matlab kaa jab milaa mausam
rang us ke the dekhne vaale

tu bhi dekhegaa zaraa rang utar lein tere
ham hi rakhte hain tujhe yaad ki sab rakhte hain

kyon miri daastaan kaa hissa hain
jo miri daastaan ke the hi nahin

aaine par koi tohmat na dharo
khaal-o-khad apne sanvaaro saahab

mere khvaabon ke jharokon ko sajaate rahiye
na sahi vasl magar yaad to aate rahiye

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

us ko bhi yaad karne ki fursat na thi mujhe
masruf thaa main kuchh bhi na karne ke baavajud

uThaa sakte nahin jab chuum kar hi chhoDnaa achchhaa
mohabbat kaa ye patthar is dafa bhaari ziyaada hai

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi