qaraar dil ko sadaa jis ke naam se aayaa — Jamal Ehsani

isi ik baat par hai ittifaaq-o-ikhtilaaf us se
use aaina aur mujh ko piyaala achchhaa lagtaa hai

hazaar tarah ke the ranj pichhle mausam mein
par itnaa thaa ki koi saath rone vaalaa thaa

jo dil ke taaq mein tu ne charaagh rakkhaa thaa
na puchh main ne use kis tarah sitaara kiyaa

kisi bhi vaqt badal saktaa hai lamha koi
is qadar khush bhi na ho meri pareshaani par

vo log mere bahut pyaar karne vaale the
guzar gae hain jo mausam guzarne vaale the

vo bhi milne nai poshaak badal kar aayaa
main jo kal pairahan-e-khaak badal kar aayaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

martaa huun havas mein gham-e-jaaved ki varna
jiine ko tire hijr ki ik shaam bahut hai

dil kaa saaraa dard simaT aayaa hai meri palkon mein
kitne taaj-mahal Dubeinge paani ki in bundon mein

sun ke saari daastaan-e-ranj-o-gham
kah diyaa us ne ki phir ham kyaa karein