log dekhein to na jaane use kyaa samjheinge — Jameeluddin Aali

jaise saahil se chhuDaa leti hain maujein daaman
kitnaa saada hai tiraa mujh se gurezaan honaa

tere khayaal ke divaar-o-dar banaate hain
ham apne ghar mein bhi teraa hi ghar banaate hain

na tire sivaa koi likh sake na mire sivaa koi paDh sake
ye huruf-e-be-varaq-o-sabaq hamein kyaa zabaan sikhaa gae

kuchh chhoTe chhoTe dukh apne kuchh dukh apne azizon ke
in se hi jivan bantaa hai so jivan ban jaaegaa

ajnabiyon se dhoke khaanaa phir bhi samajh mein aataa hai
is ke liye kyaa kahte ho vo shakhs to dekhaa-bhaalaa thaa

jaane kyuun logon ki nazrein tujh tak pahunchin ham ne to
barson baa'd ghazal ki rau mein ik mazmun nikaalaa thaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

duniyaa gharib jaan ke hansti thi 'mir' par
'iqbaal' mujh pe aise ye duniyaa hansi ki bas

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain