saari duniyaa ke gham hamaare hain — Jaun Elia

bin tumhaare kabhi nahin aai
kyaa miri niind bhi tumhaari hai

ek qattaala chaahiye ham ko
ham ye ealaan-e-aam kar rahe hain

chaand ne taan li hai chaadar-e-abr
ab vo kapDe badal rahi hogi

bahut nazdik aati jaa rahi ho
bichhaDne kaa iraada kar liyaa kyaa

ham ajab hain ki us ki baahon mein
shikva-e-naarasaai karte hain

dil ki taklif kam nahin karte
ab koi shikva ham nahin karte

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

hamaare she'r naghme aur sajde
adaa jo ho na paae kyaa hue vo

us but ke nahaane se huaa saaf ye paani
moti bhi sadaf mein tah-e-dariyaa nazar aayaa

miir ke baa'd ghaalib o iqbaal
ik sadaa, ik sadi mein guzri hai