maraz-e-ishq ko shifaa samjhe — Jigar Barelvi

dard ho dukh ho to davaa kiije
phaT paDe aasmaan to kyaa kiije

ham aur uThaaeinge ehsaan jaan-navaazi ke
hamein to saans bhi lenaa giraan guzartaa hai

tasalli aap ne di farq hai haan dil ki haalat mein
jo tham tham kar khalish hoti thi paiham hoti jaati hai

qadam milaa ke zamaane ke saath chal na sake
bahut sambhal ke chale ham magar sambhal na sake

ishq ko ek umr chaahiye aur
umr kaa koi e'tibaar nahin

aaj kyaa jaane kyaa hai hone ko
ji bahut chaahtaa hai rone ko

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

koi shikva na gham na koi yaad
baiThe baiThe bas aankh bhar aai

mire aibon ko ginvaayaa to sab ne
kisi ne meri gham-khvaari nahin ki

hamaare she'r naghme aur sajde
adaa jo ho na paae kyaa hue vo