aaj kyaa jaane kyaa hai hone ko — Jigar Barelvi

maraz-e-ishq ko shifaa samjhe
dard ko dard ki davaa samjhe

ham aur uThaaeinge ehsaan jaan-navaazi ke
hamein to saans bhi lenaa giraan guzartaa hai

tasalli aap ne di farq hai haan dil ki haalat mein
jo tham tham kar khalish hoti thi paiham hoti jaati hai

qadam milaa ke zamaane ke saath chal na sake
bahut sambhal ke chale ham magar sambhal na sake

ishq ko ek umr chaahiye aur
umr kaa koi e'tibaar nahin

dard ho dukh ho to davaa kiije
phaT paDe aasmaan to kyaa kiije

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vo ik lamha jo tere qurb ki khushbu se hai raushan
ab is lamhe ko paaband-e-salaasil chaahtaa huun main

hotaa na koi kaar-e-zamaana mire supurd
bas apne kaarobaar-e-mohabbat ko dekhtaa

nai mohabbatein 'khaalid' puraani dostiyaan
azaab-e-kashmakash-e-be-amaan mein rahte hain

khinch laai hai mohabbat tire dar par mujh ko
itni aasaani se varna kise haasil huaa main