mil ke bhi jo kabhi nahin miltaa — Jigar Moradabadi

aadat ke baa'd dard bhi dene lagaa mazaa
hans hans ke aah aah kiye jaa rahaa huun main

meri nigaah-e-shauq bhi kuchh kam nahin magar
phir bhi tiraa shabaab tiraa hi shabaab hai

vo nazron hi nazron mein savaalaat ki duniyaa
vo aankhon hi aankhon mein javaabaat kaa aalam

nigaah-e-shauq ne mahshar mein saaf taaD liyaa
kahaan vo chhupte ki aankhon mein the samaae hue

ham kahin aate hain vaaiz tire bahkaane mein
isi maikhaane ki miTTi isi maikhaane mein

aatish-e-ishq vo jahannam hai
jis mein firdaus ke nazaare hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

shaayad vo sang-dil ho kabhi maail-e-karam
surat na de yaqin ki is ehtimaal ko

puchh kar kaun dil dukhaataa hai
haadse kab bataa ke hote hain

ai dil-e-be-qaraar chup ho jaa
jaa chuki hai bahaar chup ho jaa

dil ki barbaadiyon kaa ronaa kyaa
aise kitne hi vaaqiaat hue