ham ne maanaa ki tire shahr mein sab achchhaa hai — Khalid Yusuf

ye adaaein ye ishaare ye hasin qaul-o-qaraar
kitne aadaab ke parde mein hai inkaar ki baat

use khabar hai ki anjaam-e-vasl kyaa hogaa
vo qurbaton ki tapish faasle mein rakhti hai

fan kaa daavaa hai to kuchh jurat-e-izhaar bhi ho
zeb detaa nahin fankaar ko buzdil honaa

ham ho gae shahid ye eazaaz to milaa
ahl-e-junun ko nukta-e-aaghaaz to milaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

jis pari par mar miTe the vo pari-zaadi na thi
baad mein jaanaa ki us ke donon par hote the ham

dil to be-tarah meraa lag hi chalaa thaa us se
par main juun tuun ke bachaayaa ise khuddaari se

ai jalva-e-jaanaana phir aisi jhalak dikhlaa
hasrat bhi rahe baaqi armaan bhi nikal jaae