main sunaataa rahaa dukhDe 'khaavar' — Khaqan Khavar

ye rang rang parinde hi ham se achchhe hain
jo ik darakht pe rahte hain beliyon ki tarah

tire sitam ki zamaana duhaai detaa hai
kabhi ye shor tujhe bhi sunaai detaa hai

vo sanvar saktaa hai maaqul bhi ho saktaa hai
meraa andaaza miri bhuul bhi ho saktaa hai

yuun hiraasaan hain musaafir bastiyon ke darmiyaan
ho gai ho shaam jaise jangalon ke darmiyaan

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

shor din ko nahin sone detaa
shab ko sannaaTaa jagaa detaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

sunaa haal-e-dil-e-'majruh' shab ko
koi hasrat si hasrat thi bayaan mein