ye dil ki zard paDaa thaa kai zamaanon se — Khurshid Rabbani

dekh kar bhi na dekhnaa us kaa
ye adaa to buton mein hoti hai

kisi ne meri taraf dekhnaa na thaa 'khurshid'
to be-sabab hi sanvaaraa gayaa thaa kyuun mujh ko

koi nahin jo miTaae miri siyah-bakhti
falak pe kitne sitaare hain jagmagaae hue

tiraa bakhshaa huaa ik zakhm pyaare
chali ThanDi havaa jalne lagaa hai

havaa-e-taaza kaa jhonkaa idhar se kyaa guzraa
gire paDe hue patton mein jaan aa gai hai

khvaabon ki main ne ek imaarat banaai aur
yaadon kaa us mein ek daricha banaa liyaa

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai