dil bhi ai 'dard' qatra-e-khun thaa — Khwaja Meer Dard

nahin shikva mujhe kuchh bevafaai kaa tiri hargiz
gilaa tab ho agar tu ne kisi se bhi nibhaai ho

zindagi hai yaa koi tufaan hai!
ham to is jiine ke haathon mar chale

sair kar duniyaa ki ghaafil zindagaani phir kahaan
zindagi gar kuchh rahi to ye javaani phir kahaan

tar-daamani pe shaikh hamaari na jaaiyo
daaman nichoD dein to farishte vazu karein

aziyyat musibat malaamat balaaein
tire ishq mein ham ne kyaa kyaa na dekhaa

dard-e-dil ke vaaste paidaa kiyaa insaan ko
varna taaat ke liye kuchh kam na the karr-o-bayaan

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

specialist pain-killer de to kaun saa?
''saare jahaan kaa dard hamaare jigar mein hai''

kiyaa dard-o-gham ne mujhe naa-umid
ki majnun ko ye hi thiin bimaariyaan

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa