kyuun mujhe mahsus ye hotaa hai aksar raat bhar — Krishna Kumar Toor

us ko khonaa asl mein us ko paanaa hai
haasil kaa hi partav hai laa-haasil mein

bahut kahaa thaa ki tum akele na rah sakoge
bahut kahaa thaa ki ham ko yuun dar-ba-dar na karnaa

kab tak tu aasmaan mein chhup ke baiThegaa
maang rahaa huun main kab se duaa baahar aa

main to thaa maujud kitaab ke lafzon mein
vo hi shaayad mujh ko paDhnaa bhuul gayaa

main vahm huun ki haqiqat ye haal dekhne ko
giraft hotaa huun apnaa visaal dekhne ko

band paDe hain shahar ke saare darvaaze
ye kaisaa aaseb ab ghar ghar lagtaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

lahu ke paar koi muntazir hai aakhir-e-shab
kamaal-e-zabt se aage safar kiyaa jaae

daagh-e-dil shab ko jo bantaa hai charaagh-e-dahliz
raushni ghar mein mire rahti hai andar baahar