daavaa-e-insaaniyat 'maail' abhi zebaa nahin — Mael Lakhnavi

nazar aur vusat-e-nazar maalum
itni mahdud kaaenaat nahin

yaad aur un ki yaad ki allaah-re mahviyat
jaise tamaam umr ki fursat kharid li

nigaah-e-naaz ki pahli si barhami bhi gai
main dosti ko hi rotaa thaa dushmani bhi gai

mohabbat aur 'maail' jald-baazi kyaa qayaamat hai
sukun-e-dil banegaa iztiraab aahista aahista

main ne dekhe hain dahakte hue phulon ke jigar
dil-e-binaa mein hai vo nuur tumhein kyaa maalum

sailaab-e-ishq gharq-kun-e-aql-o-hosh thaa
ik bahar thaa ki shaam-o-sahar garam-josh thaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

hausla hai to safinon ke alam lahraao
bahte dariyaa to chaleinge isi raftaar ke saath

kaTi hai umr bas ye sochne mein
mire baare mein vo kyaa sochtaa hai

us ne puchaa thaa kyaa haal hai
aur main sochtaa rah gayaa

kyaa tujhe ilm nahin teri razaa ki khaatir
main ne kis kis ko zamaane mein khafaa rakkhaa hai