maat-pitaa ko de ban-vaas — Mahendra Partap Chand

usi ne aag lagaai hai saari basti mein
vahi ye puchh rahaa hai ki maajraa kyaa hai

aapsi rishton ki khushbu ko koi naam na do
is taqaddus ko na kaaghaz par utaaraa jaae

paraae dard mein hotaa nahin sharik koi
ghamon ke bojh ko khud aap Dhonaa paDtaa hai

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

pyaaso raho na dasht mein baarish ke muntazir
maaro zamin pe paanv ki paani nikal paDe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi