kaun samjhe ham pe kyaa guzri hai 'naqsh' — Mahesh Chandra Naqsh

kis tarah karein tujh se gila tere sitam kaa
madhosh ishaaron ne bhi dil toD diyaa hai

tasvir-e-zindagi mein nayaa rang bhar gae
vo haadse jo dil pe hamaare guzar gae

is Dubte suraj se to ummid hi kyaa thi
hans hans ke sitaaron ne bhi dil toD diyaa hai

aghyaar kaa shikva nahin is ahd-e-havas mein
ik umr ke yaaron ne bhi dil toD diyaa hai

yuun ruuTh ke jaane pe main khaamosh huun lekin
ye baat mire dil ko gavaaraa to nahin hai

yuun guzarte hain hijr ke lamhe
jaise vo baat karte jaate hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ulfat mein baraabar hai vafaa ho ki jafaa ho
har baat mein lazzat hai agar dil mein mazaa ho

yaar pahlu mein hai tanhaai hai kah do nikle
aaj kyuun dil mein chhupi baiThi hai hasrat meri

raaste aur tavaazoa mein hai rabt-e-qalbi
jis tarah laam alif mein hai alif laam mein hai

hai jiinaa aur marnaa jab akele hi to mere dil
kisi kaa duur jaanaa kyaa kisi kaa paas aana kyaa