ham ne laale ki tarah is daur mein — Maikash Akbarabadi

tiri zulfon ko kyaa suljhaaun ai dost
miri raahon mein pech-o-kham bahut hain

kuchh is tarah tiri ulfat mein kaaT di main ne
gunaahgaar huaa aur na paak-baaz rahaa

mire fusun ne dikhaai hai tere rukh ki sahar
mire junun ne banaai hai tere zulf ki shaam

pahunch hi jaaegaa ye haath teri zulfon tak
yunhi junun kaa agar silsila daraaz rahaa

zabaan pe naam-e-mohabbat bhi jurm thaa yaani
ham un se jurm-e-mohabbat bhi bakhshvaa na sake

aap ki meri kahaani ek hai
kahiye ab main kyaa sunaaun kyaa sunun

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

shisha-e-aabru sambhaal ai dil
daur ulTaa chalaa hai duniyaa kaa

tujh hijr ki agan kuun bujhaane ai sang dil
koi aab-zan-rafiq ba-juz chashm-e-tar nahin

saaf dil ho gar hai tujh kuun khvaahish-e-tark-e-havaa
aab-e-aaina upar aataa nahin hargiz habaab

raqam karne kuun vasf-e-zulf-e-dildaar
mujhe har vaqt mashq-e-laam hai bas