phir chhiDi raat baat phulon ki — Makhdoom Mohiuddin

hujum-e-baada-o-gul mein hujum-e-yaaraan mein
kisi nigaah ne jhuk kar mire salaam liye

tumhaare jism kaa suraj jahaan jahaan TuuTaa
vahin vahin miri zanjir-e-jaan bhi TuuTi hai

hayaat le ke chalo kaaenaat le ke chalo
chalo to saare zamaane ko saath le ke chalo

aap ki yaad aati rahi raat bhar
chashm-e-nam muskuraati rahi raat bhar

ishq ke shoale ko bhaDkaao ki kuchh raat kaTe
dil ke angaare ko dahkaao ki kuchh raat kaTe

ye tamannaa hai ki uDti hui manzil kaa ghubaar
subh ke parde mein yaad aa gai shaam aahista

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aaj ki raat mujhe hosh mein rahne do abhi
aaj ki raat koi aankhon se pilaaegaa mujhe

ik raat dil-jalon ko ye aish-e-visaal de
phir chaahe aasmaan jahannam mein Daal de

vo apne husn ki khairaat dene vaale hain
tamaam jism ko kaasa banaa ke chalnaa hai