aate hain yaad mujh ko vo aazaadiyon ke din — Masroor Shahjahanpuri

ham ko gham-e-furqat mein do din hi bukhaar aaya
kyaa shakl nikal aai laa-haul valaa quvvat

phir se vo yogaa ki varzish kar rahe hain baam par
phir se laTh apne mohalle mein vo chalvaaeinge kyaa

bahaane-baaz hain makkaar hain jhuTe hain shaatir hain
mile hain ab kahin jaa kar unhein ushshaaq Takkar ke

tiin din tak khauf ke maare chhupe the jis jagah
us jagah banne ko thaa ik ghusl-khaana yaad hai

hamaare shaikh ji phir se shifaa-khaane mein daakhil hain
bahut akhlaaq ke qaail hue hain ek sister ke

gae the baalTi bharne pe un se ishq kar baiThe
ghaDe apne kisi masjid se bhar laate to achchhaa thaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

main ziyaada huun bahut us ke liye ab tak bhi
aur mere liye vo saare kaa saaraa kam hai

kisi ko qissa-e-paaki-e-chashm yaad nahin
ye aanhkein kaun si barsaat mein nahaai thiin

paDhte phireinge galiyon mein in rekhton ko log
muddat raheingi yaad ye baatein hamaariyaan

tumhaari yaad mein jiine ki aarzu hai abhi
kuchh apnaa haal sambhaalun agar ijaazat ho