zakhm-e-talaash mein hai nihaan marham-e-dalil — Meer Ahmad Naved

kuchh is tarah se kahaa mujh se baiThne ke liye
ki jaise bazm se us ne uThaa diyaa hai mujhe

main apne hijr mein thaa mubtalaa azal se magar
tire visaal ne mujh se milaa diyaa hai mujhe

jo mil gae to tavangar na mil sake to gadaa
ham apni zaat ke andar chhupaa diye gae hain

mumkin nahin hai shaayad donon kaa saath rahnaa
teri khabar jab aai apni khabar gai hai

charaagh-haa-e-takalluf bujhaa diye gae hain
uThaao jaam ki parde uThaa diye gae hain

khud se guzre to qayaamat se guzar jaaeinge ham
yaani har haal ki haalat se guzar jaaeinge ham

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

surur-e-jaan-fazaa deti hai aaghosh-e-vatan sab ko
ki jaise bhi hon bachche maan ko pyaare ek jaise hain

'ishq mein intihaa ki had na hui
'aashiqi teri mustanad na hui

mohabbat phuul banne par lagi thi
palaT kar phir kali kar li hai main ne

kuchh aur vus'atein darkaar hain mohabbat ko
visaal-o-hijr pe daar-o-madaar mushkil hai