aap jo chashm-tar ho gae — Mehr Zarreen

fanaa ke hosh fanaa hain hamaari vahshat se
vo honge aur ki jin par fanaa kaa zor chale

dil mein miri vahshat ne par jitne nikaale the
main ne unhein bal de kar zanjir banaai hai

basti mein bhi kuchh aise andhere hain jahaan par
jhulse hue jismon kaa shabistaan hain saDkein

maqaam-e-aadmi kuchh kam nahin hai
farishton se to kam aadam nahin hai

raushan hai darakhshaan hai har ashk gharibon kaa
bas in ki badaulat hi har ghar mein divaali hai

ye arsh se aanaa to aaghaaz-e-mohabbat thaa
ab farsh pe aae hain anjaam se kheleinge

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ham hain vo jins ki kahte hain jise gham 'jurat'
hai mohabbat ke sivaa kaun kharidaar apnaa

tanhaa rahne mein bhi koi uzr nahin hai
lekin us ke saath hi tanhaa rah saktaa huun

dil ki kyaa puchhe hai ik qatra-e-khun thaa hamdam
so gham-e-ishq ne aate hi use nosh kiyaa