dil mujhe us gali mein le jaa kar — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

dil ki yak qatra khuun nahin hai besh
ek aalam ke sar balaa laayaa

mire saliqe se meri nibhi mohabbat mein
tamaam umr main naakaamiyon se kaam liyaa

chalte ho to chaman ko chaliye kahte hain ki bahaaraan hai
paat hare hain phuul khile hain kam-kam baad-o-baaraan hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

toDe hain bahut shisha-e-dil jis ne 'nazir' aah
phir charkh vahi gumbad-e-minaai hai kam-bakht

ranj-e-dil yuun gayaa rukh us kaa dekh
jaise uTh jaae aaine se zang

phir us gali se apnaa guzar chaahtaa hai dil
ab us gali ko kaun si basti se laaun main

hain dalilein tire khilaaf magar
sochtaa huun tiri himaayat mein