faqat milnaa-milaanaa kam huaa hai — Misdaque Azmi

khushnumaa manzar bhi sab dhundhle nazar aate hain yaar
jab dilon mein bhi utar jaati hai sahraaon ki khaak

ghaar vaalon ki tarah niklaa hai vo kamre se aaj
us ko is duniyaa ki tabdili kaa andaaza nahin

ik tabassum kaa bharam aabaad honTon par kiye
ji rahe hain log apni apni viraani ke saath

ai mire munis o gham-khvaar mujhe marne de
baat ab hukm ki taamil tak aa pahunchi hai

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

ab aadmi kuchh aur hamaari nazar mein hai
jab se sunaa hai yaar libaas-e-bashar mein hai

un se ai dost miraa yuun koi rishta to na thaa
kyuun phir is tark-e-taalluq se pashemaan thaa main

jo munh se kahte hain kuchh aur karte hain kuchh aur
vahi zamaana mein kuchh ikhtiyaar rakhte hain