ghaar vaalon ki tarah niklaa hai vo kamre se aaj — Misdaque Azmi

faqat milnaa-milaanaa kam huaa hai
hamaari dosti TuuTi nahin hai

khushnumaa manzar bhi sab dhundhle nazar aate hain yaar
jab dilon mein bhi utar jaati hai sahraaon ki khaak

ik tabassum kaa bharam aabaad honTon par kiye
ji rahe hain log apni apni viraani ke saath

ai mire munis o gham-khvaar mujhe marne de
baat ab hukm ki taamil tak aa pahunchi hai

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

teri surat teri chaahat yaadein sab
chhoTe se is dil mein kyaa kyaa rakkhungaa

parind peD se parvaaz karte jaate hain
ki bastiyon kaa muqaddar badaltaa jaataa hai

shaakh se TuuT ke patte ne ye dil mein sochaa
kaun is tarah bhalaa maail-e-hijrat hogaa