ab kisi ki yaad bhi aati nahin — Mohammad Alvi

main us ke badan ki muqaddas kitaab
nihaayat aqidat se paDhtaa rahaa

kamre mein maze ki raushni ho
achchhi si koi kitaab dekhun

nayaa saal divaar par Taang de
puraane baras kaa calendar giraa

aur baazaar se kyaa le jaaun
pahli baarish kaa mazaa le jaaun

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

us se bichhaDte vaqt main royaa thaa khub-saa
ye baat yaad aai to pahron hansaa kiyaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

'taabish' jo guzarti hi nahin shaam ki had se
sochein to vahin raat sahar-khez bahut hai

kal thi ye fikr use haal sunaaein kaise
aaj ye sochte hain us ko sunaa kyuun aae

sukhan jin ke ki surat juun guhar hai bahr-e-maani mein
abas ghaltaan rakhe hai fikr un ke aab-o-daane kaa