dil hai pyaasaa husain ke maanind — Mohammad Alvi

main us ke badan ki muqaddas kitaab
nihaayat aqidat se paDhtaa rahaa

kamre mein maze ki raushni ho
achchhi si koi kitaab dekhun

nayaa saal divaar par Taang de
puraane baras kaa calendar giraa

aur baazaar se kyaa le jaaun
pahli baarish kaa mazaa le jaaun

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

us se bichhaDte vaqt main royaa thaa khub-saa
ye baat yaad aai to pahron hansaa kiyaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ek dil hai ek hasrat ek ham hain ek tum
itne gham kam hain jo koi aur gham paidaa karein

ai dil tujhe karni hai agar ishq se baiat
zinhaar kabhu chhoDiyo mat silsila-e-dard

khud ko mumtaaz banaane ki dili-khvaahish mein
dushman-e-jaan se mili meri anaa saazish mein

kis qadar dil se faraamosh kiyaa aashiq ko
na kabhi aap ko bhule se bhi main yaad aayaa