yaqin kijiye sab intishaar khatm hue — Mohammad Mustahsan Jami

rang badlaa huaa thaa phulon kaa
tum yaqinan udaas guzre the

bin dekhe bhi chain nahin hai 'mustahsan'
dekhun to saari binaai jaati hai

tiri lab-kushaai pe munhasir miri zindagaani hai dostaa
tiraa bolnaa bhi qubul hai tiri khaamushi bhi aziiz hai

lutf ki in pe koi khaas nazar hai ki nahin
apne maston ki koi khair-khabar hai ki nahin

sivaae is ke koi bhi masrufiyat nahin hai
main in dinon bas charaagh taqsim kar rahaa huun

ham talvaar uThaa nahin paae
ham aavaaz uThaa sakte the

uThaa hi laayaa sabhi raaste vo kaandhon par
yaqin us pe na kartaa to main kidhar jaataa

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

ye log homo-havan mein yaqin rakhte hain
chalo yahaan se chalein haath jal na jaae kahin

ajnabi duniyaa pe main karti bharosa kis tarah
jab yaqin ne saath chhoDaa to gumaan chaltaa rahaa

mujh ko auron se kuchh nahin hai kaam
tujh se har dam umid-vaari hai