udaas rut hai abhi tak mire taaaqub mein — Mohammad Naved Mirza

tiri judaai kaa mausam bhi khub-surat hai
mujhe nikaal rahaa hai khumaar se baahar

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

udaas aankhon se aansu nahin nikalte hain
ye motiyon ki tarah sipiyon mein palte hain

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

kyon nahin dekhtaa hai vo muD kar
mar gaiin raah mein sadaaein kyaa