zabaan rakhtaa huun lekin chup khaDaa huun — Mohsin Naqvi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

tumhein jab ru-ba-ru dekhaa kareinge
ye sochaa hai bahut sochaa kareinge

mausam-e-zard mein ek dil ko bachaaun kaise
aisi rut mein to ghane peD bhi jhaD jaate hain

kaun si baat hai tum mein aisi
itne achchhe kyuun lagte ho

baDi umr ke baa'd in aankhon mein koi abr utraa tiri yaadon kaa
mire dil ki zamin aabaad hui mire gham kaa nagar shaadaab huaa

azal se qaaem hain donon apni zidon pe 'mohsin'
chalegaa paani magar kinaara nahin chalegaa

main baDaa ho gayaa huun magar bachpanaa
mere dil se kabhi bhi gayaa hi nahin

jo chup lagaaun to sahraa ki khaamushi jaage
jo muskuraaun to aazurdagi bhi sharmaae

ji mein Thaani hai ki jiinaa hai bahar-haal mujhe
jis ko marnaa hai vo chup-chaap hi martaa jaae

ham na maaneinge khamoshi hai tamannaa kaa mizaaj
haan bhari bazm mein vo bol na paai hogi

rakhte hain dahaanon pe sadaa mohr-e-khamoshi
ve log jinhein aati hai guftaar-e-mohabbat

chaman se kaun chalaa hai khamoshiyaan le kar
kali kali taDap uTThi hai siskiyaan le kar