laakh tabdiliyaan baazaaron mein aaein rahbar — Moid Rahbar Lakhnavi

dil hi TuuTaa ho kuchh ajab to nahin
ashk aankhon mein be-sabab to nahin

zer-e-asar nahin hai kisi rahnumaa ke ham
maalik isi liye hain khud apni razaa ke ham

zindagi tu mujhe kis moD pe le aai hai
kyaa koi aur bhi guzraa hai idhar se pahle

raho ghar mein ziyaada to safar aavaaz detaa hai
safar mein jab nikal jaao to ghar aavaaz detaa hai

jab saamne nazar ke ho ik husn-e-be-panaah
aise mein khud ko hosh mein rakhnaa kamaal hai

anjaam-e-hijr kyaa hai ye tum khud hi dekh lo
ham intizaar-e-yaar mein patthar ke ho gae

main baDaa ho gayaa huun magar bachpanaa
mere dil se kabhi bhi gayaa hi nahin

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

main badalte hue haalaat mein Dhal jaataa huun
dekhne vaale adaakaar samajhte hain mujhe

dil-e-haris hi apnaa na ho sakaa qaane
vagarna tere karam mein to kuchh kami na rahi

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai